بصيت
بصيت ف عين الوجع
لمحت أنا صورتي
والخلق تضرب ودع
ما سكين كمان سيرتي
شمتانه كل البشر
وكأني عجل و وقع
ولمحت سكينتي
عيون بترمي حبال
والتهمه لبساني
ولساني صابه الصمت
مربوط ومتلجم
كأني يوم الحشر
مذنب وبتحاسب
مع أني شارب ظلم
بيشر من كوعي
وعند غله صبر
مزروعه جويا
حصدها وجع القلب
وطحنلي حبايه
سكوتي باين ضعف
دمرلي أحلامي
كفايه ظلم وقهر
هقتلني جويا
بحق سهر الليل
وكل دقة قلب
لشنق كمان الحب
وأعمله نصبايه
وعزاي يكون للقلب
ودموعي ترقص رقص
وتغني غنوايه
خسرتوا ليه الأب
مع انه ضلايه
احلم ببكرة وأمس
وأستني محصولك
لابد يوم هتدوق
وتجني فبذورك
بقلمي
عبد الحميد عبد الرحيم
