#ماشيين
ماشيين ولا فارق معانا الإتجاه
يدوب بنتنفس علشان خاطر الحياة
دنيا صحيح .....متلخبطي
وقلوبنا فيها....... محبطي
مليانة هم.... وجراح... و آه
اللي معاه......... أوممعهوش
الحزن بقي مالي ....الوشوش
ومحدش الدنيا...... مريحاه
الكل منها ............ إشتكي
لو تسأله........... تلقاه بكي
وكأن في الدمع دواه
الكل رافضها وسايبها
حاسس وجوده فيها غلطه
رايح لفين بقي مش حاسبها
لامم أحلام عمره في شنطه
ومنين ما راح هي معاه
ماشيين ولا فارق معانا الإتجاه
يدوب بنتنفس علشان خاطر الحياه.
بقلمي /أنور عبيد
ليست هناك تعليقات:
إرسال تعليق