أهواك*عامية غنائية.خاص بالمسابقه
ياللى بتهوانى وباهواه
أنا روحى إليك وإنت معاه
والشوق اللى أنا فيك بالقاه
باتمنى اشوفك وياه
وتقرب من قلبى شويه
وتحس بشوقى ورؤياه
وتعيش بالحب اللى أنا فيه
تشتاقنى وتعشق ليلاه
والعشق اللى أنا باحلم بيه
وعنيا تدارى وتخبيه
تتمنى تلاقيك وياه
وبتحلم والحلم أنا فيه
وانا شايلك بين الأشواق
وتنادى بشوقك لياليه
وتغنى أغاني العشاق
تحضنى وتعشق معانيه
وبشوقك تتمنى رضاه
قرب لى ورودك يا حبيبي
خلينى بشوق العشاق
واسقينى من شهدك حبه
واملا لى كاساتك ورضاب
على ثغرك العشق وشهده
على صدرك ورد وعناب
على بحرك الموج كده واخده
واهاتك عشق الأحباب
وانا شوقى مكتوب على قده
وحروفى مكتوبه جواب
مين قدك وحياتى بوجده
وعنيا تعشق بعتاب
ما انا روحك والروح لك هايمه
والشوق همس الأحباب
ورينى شفايفك وجدايلك
واروينى شهد وعناب
وابعت لى بالشوق كده غمزه
نظراتك همسات وجواب
وتنادى على كيفك لمسه
لمساتك عشق الأواب
أهواك * عامية غنائية بقلمى/ إسماعيل مصطفى المحامى والشاعر.بلبيس.شرقية.مصر
ليست هناك تعليقات:
إرسال تعليق