$إنسحاب$
أيوا بأعلن إنسحابي
من حياتك. من هوانك
من آلام سببتها لي
من دموع سالت عشانك
من هوي عمره ما هانك
وأنت رخصته وهانت
كل نبضاته إللي كانت
عايشة تترجي حنانك
أيوا بأعلن إنسحابي
وأوعي تسأل عني تاني
أوعي تشتاق له حناني
تُبت عنك. عن آلامي
أيوا بأعلن إنسحابي
وأنت عارف
قلبي عمره يوم ماخانك
لما حَبك كان خيالي
نبضه. حلمه. كان مثالي
كان بيتنازل عشانك
مش لضعفه. بس شاري
و أنت حبك كان هوائي
قلبي معرفتش تصونه
بيعته وخسرته ف ثواني
ولما بيعته. هو باعك
((بقلمي/صفاء مصطفى الخواجة))
ليست هناك تعليقات:
إرسال تعليق