جوه لوحة الشرف
موجود أسامي الأنقياء
دا الشهيد اللي أتعرف
بالعقيده والوفاء
واللي حب بلاده جدا
ومات وسايب البقاء
.................
جوه لوحة الشرف
كرموهم بأقتدار
دا اللي عمره ما كان جبان
وخاف علي بلده وثار
قال دم أخواتي هيبقي
واجب علي رقبتي وتار
.........................
وياشهيد العزه أفرح
أنت فايز بإقتدار
واللي خان بلده وخانك
راح هيبقي جوه نار
أنت أسمك ع المدارس
وهو أسمه هيبقي عار
....................
جوه لوحة الشرف
كرموهم بإقتدار
وزود اللوحه وكبر
اللي لأجل ترابها ضحو
ولسه فاضل لسه أكتر
زود اللوحه وكبر
...................
مصر ولاده وولاده
راح يموتو عشان تعيش
واللي برا راح وبعها
عندو أصل ؟ لا مفيش
دا بن ك....ب جبان وباعها
كل هامو عشان يعيش
......................
ويلا جاي بلدي زياره
أوعي تسأل بلدي مين
بلدي دي تبقي مصر
(إدخلوها آمنين )
مش كلام شعراء وكاتب
دا كلام ربي المعين
......................
تلقي فيها صوفره واحده
جامعه حنا مع حسين
فأوعي تستغرب وتسأل
بلدي دي تبقي مين
....................
إحنا صعب نكون فريسه
في بلادي راح هتلقي
قلب جامع علي كنيسه
فأحنا صعب نكون فريسه
...........
وجوه لوحة الشرف
موجود أسامي الأنقياء
دا الشهيد اللي أتعرف
بالعقيده والوفاء..
#محمود_شعبان
الشاعر المصري محمود شعبان
ليست هناك تعليقات:
إرسال تعليق