رسالة
رضا عبد المطلب
خاص بالمسابقة
يعني ايه
يعني ايه بتقول تعالي
وانت بتشاور وداع
يعني أنسي اللي ف خيالي
ولا اسلم للخداع
ولا اقول كلمة حبيبي
للي عمره ماحسهاش
اللي خدته ف يوم نصيبي
خلى عمري ضاع بلاش
قلبي كان راسم لي جنة
وانت فيها احلى زاير
واما اقول لك فين مكانا
مرة تسرح مرة حاير
روح ياروحي وعيش حياتك
مني ليك مليون تحية
اطوي صفحة ذكرياتك
قلبي كان هو الضحية
عمري يوم ما اقول دا عيبك
بس روح أرجوك كفاية
قلبي كان رافض يسيبك
وانت قمري اللي ف سمايا
مش هقول انك رامتني
مش هقول للناس دا باع
يكفي انك يوم حامتني
م الديابة وم الضياع
انت قلب مالوش مثيل
عمري يوم ما قابلت زيه
وف طريقي عينيك دليل
كنت قمر الليل وضيه
كنت بنسي نفسي واسرح
لما تنظر لي بعينيك
كنت اكدب روحي وافرح
كنت حابة الدنيا بيك
قلبي كان فاكرك حاببني
كنت ابويا وكنت ابني
كنت اقرب مني ليا
زي ضلي اللي سابقني
فيك حنان الكون بحاله
كل ما فيك كان عاجبني
خدني بحرك من جماله
فوق شطوطك رحت ابني
.........
لما بحرك موجه عالي
سبت ليه ايدك خدتني
قلت فرحة مكتوبة لي
قبل ما ابدأ ودعتني
ضاع معاك حلم ف خيالي
طول سنيني بيراودني
روح وماتقوليش تعالي
وانت من جواك رافضني
ليست هناك تعليقات:
إرسال تعليق