...متشعلق في هواكي...للشاعر رمضان البربري
وبتعزفي علي أوتار قلبي عزف
وقلبي متغرب ومحدوفلك حدف
وأتاريكي خطفة قلبي خطف
وافوتك وانا رايدك وشاريكي
وارجعلك متشعلق في هواكي
وانا العاشق إللي بهواكي
وارجع وافوتك من تاني
وفايت حتة مني وياكي
واتوة في الغربة والأحزان
واعيش علي الذكري والألحان
ومتغرب وانا هيمان
وأقول هنسي ولا أنساكي
وافرح بصورتك ورسمك
وبتردد جوايا إسمك
وتملي أجيب في سيرتك
وانا عايش جواكي
وأدمع وأسرح في نهاري
وفي ليلي يزيد مراري
ويجي الصبح بإنصهاري
واعيش أحلم بلقياكي
وانا جايلك كتير فرحان
وبصبر قلبي الحيران
هشوفك في نفس المكان
وقلبي طاير يستناكي
وأكون شمعة في لياليكي
ووردة طارحة بس ليكي
وتضميني برمشك وعنيكي
وتمسحي دموعي إللي حساكي
وتعزفيلي لحن الوفاء
لحن الشوق والإشتياق
وتلاقيني أنا المشتاق
أعيش قربك ولا أنساكي
ليست هناك تعليقات:
إرسال تعليق