رسايل مخفيه
==========
محبوبتي
بعد السلام
بعد الحنين اللي مايوصفهوش كلام
ياحلم عمر في قلبي عايش
يامعني غالي للغرام
يا عشق مهما يكونلي طايش
لكنه عمره ماكان حرام
وحشتيني
ونفسي بجد أرجعلك واعيش العمر وياكي
وحشتيني
وطول الوقت محتاجلك وبس ناقصني رؤياكي
انا والله بهواكي
وحتي الفرحه ماتجوزليش
داغير لما أنا القاكي
وأه مـ الصبر ياغاليه
ومر الوحده في بعادك
وإيدي كمان ولا طاليه
غريب وانا حتي ببلادك
تعبت من الوجع لكن
اكيد بكره انا معاكي
ياحلم بقلبي انا ساكن
ويوم عن يوم انا هواكي
وأه من غربه حرماني
ومنعاني ان انا اشوفك
وأه ياللي أنتي شارياني
لكن مظلومه في ظروفك
مانا العاشق وانا المسكين
وهبت حياتي دي ليكي
وهفضلك ليوم الدين
ولا اضحي في يوم بيكي
وحشتيني
ورب البيت بقولها بجد بهواكي
ماانا اتمنيت
اعيش وأموت علي رضاكي
وحشتيني
ياست الناس واغلاهم
مافيش ولا حد من قبلك
ولابعدك
يعيش بالعشق دا فيا
حاولت أخبئ إحساسي
لكن قلبي بيكتبلك
يوماتي الف أغنيه
بحبك حب ماتحبش ولا اتحسش
ولا زيه القلوب شايله
وياليلي
كتير ياما بغنيلك
وانا إيدي ولا طايله
وياليلي
ياحلم العمر انا باقي
علي عهدي سنين جايه
بحبك
وبقسم ان انا بحبك
دا حب ماحد يوم حسه
ولا وهبه لأنسيه
ولا شايف حياتي في يوم
أعيشها وانتي مش ليا
ياقصه عايشه اه فيا
يوماتي والله هكتبلك
رسايل ليكي مخفيه
==============
احمد طلبه
ليست هناك تعليقات:
إرسال تعليق