$مفيش رجوع $
خاص بالمسابقة
أوعي تفكر لينا رجوع
أصل الجرح نزيفه بحور
و أحنا مكاننا ف نفس اللحظة
ماتت بينا ورود وزهور
فرحة وراحت ولا علي بالك
كسرة قلبي و جوه الروح
ويا. بُعادك ضاعت منى
كل الدنيا. مكانها جروح
لما قرارك جه بفراقنا
غرقت روحي ف موج وبحور
كل دروبي خطاوي حزينة
فيها الشوك والحزن بذور
تيجي ف بالي و أحاول أنسي
أصل قساوتك فيها غرور
نومي هجرني و دمعي غلبني
علي عتباتي الجرح ينوح
وأنت قُصادي بأشوفك ضربة
وجعت قلبي. بهدم صروح
نفسي ما بيني وبينك أأقفل
كل بيباني منين ما تروح
أرجوك إبعد أكتر و أكتر
إبعد إيدك. و إبعد حبك
ده مفيش بينا طريق مفتوح
((بقلمي/صفاء مصطفي الخواجة ))
ليست هناك تعليقات:
إرسال تعليق