مسكت باايدي الجمر
مسكت باايدي الجمر
وطفيت لهيب جرحك
وخففت دمع حزين
بينام علي خدك
دمع عيونك خلاص
ميرجع الماضي
طريق حزنك د اساس
في حياتي شئ عادي
وعمر العيون. م تخون
تمالي فضاحه
يا ام الجرح مدفون
معاكي مفيش راحه
نسيت احلي ايامي
وكلمه فرح علي لساني
بداري بيها تعب السنين
ياملاك ولابس توب شياطين
يغور الحب علي ايدك
يا دبح القلب ده عيدك
وساقيه ماشيه عكس الناس
تصبي الحزن عنقيدك
تعسر كلام حزين وقديم
بترمي الجرح في طريقك
وانا مش فارس الاحلام
انا رافض دموعي تبان
علي حلم ضايع من سنين
كنت حالف ارمي كل الذكريات
وابتدي من غيرك طريق
وادوس علي كل اللي فااات
واحط احزانك في تبوت
كنت عيل اه صحيح
كنت شارب مرار سنين
مستحيل الزرع يكبر
بين ايدين كدابين
كنت شايف بس عارف
اني اخرتها طين
ولما الوجع زاد ع الحد
احزاني قوتني من تاني
اتكسر الشوك في غصن الورد
واخضر من تاني بستاني
اشربت معاكي نفس الكاس
مغروره يا بنت الناس
احلامك جريد ناشف
وقلبك مات من الاحساس
ليست هناك تعليقات:
إرسال تعليق