.صلة الرحم...للشاعر رمضان البربري
شاعر الغلابة
عائلات كتير متفرقة
وأجيال طالعة متشوقة
لا تعرف عم ولا خال
والفرقة بينهم متزوقة
وحقد وغل وحسد
وطار وإنتقام وهدد
وقلوب سودة عايشة
شايلة الوباء بالعدد
والدم أصبح مية
والكدب عنوان وغية
وكلة بتلصم لكلة
وكبيرنا أصبح هفية
والمر متسرسب علقم
والوجع ضيف متلغم
والقريب صبح غريب
والحزن سيطر وإتنغم
ومحدش عايز يسامح
والهم في القلب جارح
والكل عايش وطايح
والأسى شوكة طارح
ومعدش صوت مسموع
والخيبة هم ومنقوع
وكلة بيضحك علي كلة
وطريقنا ملوش رجوع
ولو فكرنا بجد شوية
البعد عن اللة آسية
إشتق الرحم من أسمة
واحنا قطعناها بسوء نية
يا عالم يا خلق يا هوة
لم الشمل إنتو بعتوة
يلا بينا مع بعض نسامح
ونرجع للة والحزن ننسوة
ليست هناك تعليقات:
إرسال تعليق