حاجة تفرح .
حاجة تفرح وبصحيح
لو جريت بعكس الريح
او تكون مليون ابيح
مش قضية ومش مريح
اصل كل جريمة كاملة
كات ف نملة
بس مش مفهوم يا عالم
هو مين حط المعاملة
تحت سلم او سطوح
الف ميت مليون وضوح
كام ضمير ينزف جروح
او عقول خافت تبوح
لسه فاضل شامة واحدة
تذكرة من كلمة شاحته
كام نفس على كام مشاحنه
لسه جهل بيتولد ونفوس مزاحمه
ضرفتين شباك جراني فاتحين امامي
لما شفت العانة بينه سديت وداني
واما كان الطلق حامي
قلت لو اعرف مكاني
صرختين والطفل هل
جهلة تحت الشفتيين عارفين محل
مد ايده للخلاص الفقر طل
الف خسرة ع السبوع
يتولد تكتر دموع
بكرة يتعلم يتهته
بعده يسرح ف الربوع
شم كله او حرامي
اخرته يتغز مطوة
او عيار من دم حامي
هو يعنى لو يموت هنخس ايه
القبر فاتح للطريق الفين ممر
حط كل الشعب حته
كله ف الاخر يمر
اللى عاش ع الكرسي باشا
واالى تحت الكرسي حر
واللى نافق واللى عافق
اي سبوبة تغر
عدي عدي يا ليالي
اخرتي اسأل سؤالي
هو ليه ابو قلب خالي
عاش لوحده وما اختشاش
واللى كان عنده الحيا
مات لوحده وراح بلاش .
......
اسامه صبحي محمد
ليست هناك تعليقات:
إرسال تعليق