...بكتب فيكي...للشاعر رمضان البربري
كل ما بكتب فيكي حرف
تيار هواكي يجرفني جرف
وألاقي عنيكي تطرف طرف
والكسوف مالي وجودك
وحبك شايفة هنا أفعال
وانا قلبي ليكي ميال
قربيلي هنا في الحال
ودغدغي صمتي بوعودك
هزيتي فية كل مشاعري
حركتي قلبي جايلك يجري
وكل ثانية تدوري في خاطري
وانا عاشقك وعاشق صمودك
إنتي جيتي قبل الأوان
زلزلتي قلبي في المكان
والغرام منك حنان
وانا محتاج كل عهودك
يابنت عمري كلة ليكي
والهوى باين عليكي
والخجل إللي في عنيكي
خلي الأرض تدور حوليكي
يابنت شقاوتك من غلاوتك
والخدود بتزيد في حلاوتك
والقمر بيغير من صورتك
مدي إيديكي أنا إللي ليكي
ليست هناك تعليقات:
إرسال تعليق