موجة غضب...للشاعر رمضان البربري
وتملكني موجة غضب
من هولاكو أبو شنب
طايح في كل الحروف
وفصاحتة فيها الهرب
وفى يوم وليلة
إتقلب الحال
وبانت الحيلة
وإتخرم الغربال
والمية غرقت الدار
ونسي كلام إتقال
وشطح ونطح وزار
وكيفك بأة يا خال
وراح خايض في الأعراض
ووصفهم بكتير أمراض
ورمي كل الغافلات
بأحط أنواع الأغراض
واللي عملي فيها قاضي
وهو أساسة واد فاضي
نصب نفسة الجلاد
وعن غيرة مش راضي
وهاج وماج وإفتري
وجاب الطابور من وري
يلعن مزاجك إل....
ويكفينا شر المسخرة
لف ع الحروف بذم
وإنت حرفك أية يا عم
لية تتفلسف وتلف
خليك في حالك وإتلم
واللي جة ع الست الطيبة
وهانت علية عشرتها الطيبة
وراح خابط فيها وناطط
وهية دمعتها قريبة
واللي صحي من نومة فجأة
وصرخ وجرى وقال لائة
ولا عجبة هذا ولا ذاك
وهو أساسا محتاج زقة
واللي عملي فيهاالمتنبي
وغيرة نايم ومستخبي
واللي عندة لغة الصرف
وجواة الحقد متعبي
والبنت أم عيون دوبلي
جايبين ليها حاشية فللي
عشان نعطيها البطولة
تحت مزهب الحنبلى
واللي عامل نفسة عبيط
وهو تعبان وحويط
ماشي في الطرقات يتسكع
وكل كلامة زمبليط
والخواجة أبو برنيطة
إللي نط وزق الحيطة
وبينحني قدام العبيطة
وحابب حولية الظيطة
واللي بيدادي ويدلع
وسايب صحبتنا تولع
وساعة الحظ متتعوضشي
وساعة الجد هيقلع
واللي بطبعه ملك الحرف
كل حروفة ملهاش وصف
أخلاقة عالية وبيرص رص
ولة تحية من ألف صنف
ولو دية أخلاق شعراء
لا والله دول غوغاء
قول ع الدنيا السلامة
وفين شعرائنا العظماء
عمرك شوفت شاعر كبير
نزل عض في الصغيرين
أو جرح بكلام خطير
يبأة الكبير من البهتانين
يبأة أتخن ما فيكوا فالسو
وفي لحظة نسي أصلة
ياريت يخلية في نفسة
ويلحس هو من عسلة
ليست هناك تعليقات:
إرسال تعليق