الحب ولع ف الدرة🔥🌽🔥
و الحب ولع ف الدرة
والحلوة لسة صغيرة
قالتلي عاشق ولا أيه
قلتلها اموت ف الغندرة
قالتلي حالفة اجننك
و بتقلي لازم اعكننك
واخلي ضابط يسجنك
و احط فيك مذكرة
والحب ولع ف الدرة
قلتلها( يس اور ريدي )
ماشي يا ستي نبتدي
واسيبك انتي تحددي
اول هجوم يا سكرة
والحب ولع ف الدرة
قالتلي يعني انت مين
دا هوه مني رمش عين
تيجيني راكع يا حزين
وتقول اهو جايب ورا
والحب ولع ف الدرة
و ليها جارة في سنها
ف الشكل احلي منها
لقيتني واقف جنبها
قالتلي ليه يا هلترا
والحب ولع ف الدرة
قالتلي بيعت بالرخيص
دانت حبيبي والعريس
قلتها دي واخدها ميس
ولا ليها حتي سماسرة
والحب ولع ف الدرة
عبيطة شايفة نفسها
و غيظتك اهو انا بها
فرصة تعرف حجمها
وتخف شغل المنظرة
والحب ولع ف الدرة
حلوة أه حلو مكري
خلي منها ليا كوبري
الشيطان يجيلي وكري
لأجل يدرس دكترة
والحب ولع ف الدرة
قالتلي اشهدلك خطير
و ان انت فعلا الكبير
( فري جود) انت الامير
و اثبت اني صغيرة
والحب ولع ف الدرة
#الشاعر_ابراهيم_دعبس
ليست هناك تعليقات:
إرسال تعليق