ذنبه ايه بس الولد
رايح عشان يحمي البلد
ف البرد واقف ع الحدود
والعدو قلبه جلد
عملك ايه علشان يموت
يرجع كده فقلب التابوت
وجروح بتنزف م الجبين
خاين ياغدر الغدرين
خليت قلبنا ليه فضنين
والبكاء فقلبي الحزين
علي شهيدك يابلد
والله راح احلف واقول
حقك عمره ماراح يزول
فرقبتي ورقاب الجميع
دم الشهيد ما يروح هدر
والقلب اللي اه اتوجع
علي فراقك يا جدع
هيجي يوم فرحان سعيد
لما يعود حق الشهيد
وتحقق الحلم الجميل
وبلدنا ليها ميت سند
ولاده يا ارض الأصول
حربنا ياما جيوش عزول
حتي الرومان حتي المغول
يهابو وقفه ده الجدع
محروسه يا مصر ولادك
والارض تطرح كل يوم
رجال عاشقين ديما عنادك
والعدو خايف ذليل
ويمين الله والله وكيل
شهيد بلادي اجدع ولد
.......... ................
مصر ام الرجال ولو هنموت كلنا
كلمات الحزن
الشاعر شريف الضلع
ليست هناك تعليقات:
إرسال تعليق