** تأملات **
لما الدنيا تبقى فــــــــي أيدك .. فرحانه مش راضية تمــــوت
والغيط الأخضر بيغنـــــــــــي .. دوشه قطـــر توووت توووت
وصاح القطــــــــر جوه الفجر .. فين الثورة فــــــــي الملكوت
وليــــه اليـابس أكــل ألخضره .. والسمـرة قاعدة تلم نقـــــوط
يمـــكن دمع العــــــين يشفيها .. أو يحميها من الجبــــــــروت
وطفــــــل صُغَيِّرْ وشُّــه مكشر .. ويبقى عامل زى الحـــــــــوت
عايز يبـلع سمــــــــــكه تقابله .. وسط الموج مش لاقي القوت
والدهب الأبيض عاد ما يهــمه ..همــه اليــــــــــاهو أو يوتيوب
عبر مســـــينجر أسمــاء عبره.. ما فيـها أحمد ولا محمــــــــود
ليــه الذكــــــرى ننسى جمالها.. وأمور حلوة نسيبها تمــــــوت
يا خوانا لازم نصنــــــــع أمــه .. نصنع أبره ونقــــطع شــــوط
يا أهــــــل الرأي فين ألحكمه .. تزرع ورد وقمــــــــــــح وتوت
وعشـــــــــان ما نقـِبْ ونــعلا .. لازم نشــرب كــــاس المـــــوت
---------------
سامي كامل الرفاعي
ليست هناك تعليقات:
إرسال تعليق