فضفضة
بقلم: صلاح منير
ما تيجوا ندردش سوى
بدون مصالح ولا هوى
باسم من ع العرش استوى
نبعد عن أي شخص غوى
==========
ونتكلم بقى كدا بصراحة
ونفسر كل شئ بالراحة
من غير نواح ولا نواحة
وبنفس راضية ومرتاحة
============
ليه الدنيا حالها أتشقلب؟
وشبابنا هرب في المركب
واللي مخه بالأدمان اتهبب
واللي بقى للأرهاب متسبب
============
مع ان بلدنا بجد جميلة
وخيرتها يا بني كتيرة
وشبابها ده شباب خيرة
ببطولته رجع لنا سينا
===========
لكن بعد ما سينا حررها
بلدنا ايه اللي جرى لها
واتقلبت ليه كدا أحوالها
ثمرة النصر مش لرجالها
===========
قالوا انفتاح جاي يا ويكة
ضربوا له سلام مع مزيكة
أتريه حاجة كدا آخر أنتيكة
لا مصانع له ولا فبريكة
الا للبسكويت والمستيكة
===========
القطاع العام ياعيني انهار
لا دعم له ولا قطع غيار
وعبئ ع الدولة دا صار
واللي يعارض م الأشرار
ماهي للسياسة كدا أسرار
===========
مدوا ايديهم في ايد الأخوان
وأفرجوا عنهم م السجن كمان
وأدوهم علينا سلطان
رغم رفضنا والعصيان
وما أدراك ما الأخوان
فتحوا لتجارة الدين دكان
بعتوا ولادنا يحاربوا مع الأفغان
رجعوم منها دماغهم فيها هذيان
كرهوا شعوبهم كرهوا الأوطان
وعلشان هم طبعا ناس ملهمش آمان
اللي لكدة شجعهم دفع حياته بالمجان
==============
وعشان الحظ لما يآتي
يخلي الأعمى يبقى سعاتي
والمكسح يبقى عجلاتي
حصل لمصرنا الغالية الأتي:
=============
جالها رئيس في السلطة طمعان
دكتاتور ما يهمه فينا انسان
طاح في البلد بلا حسبان
ايد مع الرأسمالية والثانية مع الأخوان
والمعارضة أضعفها وحالها بقى تعبان
عقد الصفقة مع الأخوة الأمريكان
ساب الشارع عن رضى للأخوان
والغني زاد غنى على حساب الغلبان
في الحكم طول العمر كان طمعان
والفساد عشش زاد وطفح بعلمه كمان
ثلاثين سنة على قلبنا كابس بطغيان
وفي النهاية عايز يورث أبنه كمان
===============
الشعب ثار وانتفض ما أحتمل
في خلعه كان له في الحياة أمل
لكن بعد النجاح الشعب أتخذل
===============
خطف الثورة شوية من الغجر
حكموا البلد بجهل وذلوا البشر
بسم الدين زعيمهم استبد وفجر
==============
30 يونيو قام الشعب من جديد
ملا الشوارع بعزيمة من حديد
قال لهم بوجودكم أنا مش سعيد
احنا أحرار مش ح نكون لكم عبيد
وبادينا راح نبني مصر من جديد
لا يهمنا منكم أي تهديد ولا وعيد
==============
وقف الجيش جنب الشعب يسانده
ماهو دايما يحرس للشعب مصالحة
25 يناير كان واقف حارس جنبه
وقام وحقق له بالكامل كل مطالبه
30 يونيو خرج للشعب بطل منه
بشجاعة شال روحه على كفه
===============
قال ذل شعب مصر دا شئ محال
فداه أنا وكل ما في الجيش من رجال
طلب من الغبي يحقق للشعب ما قال
رد الغبي بعنجهة: أرحل! دا يبقي محال
يا تسيبونا نحكمكم يا اما شوارع دم وقتال
جمع البطل الكبار واتشاور في الأحوال
قولوا يا ممثلين الشعب رأيكم في الحال
قالوا يتخلع هو وعصابته بدون جدال
================
نفذ البطل الطلب وواجه الخطر بصدره
وقال شرعية الشعب راح يفديها بدمه
فرح الشعب وارتاح يوم ما بيانه سمعه
من يوم 3 يوليو والشعب عشقه وحبه
قالوا ده ابننا ومننا ولا بد ما نسانده
دعوه بقوة لابد للحكم يرشح نفسه
قالوا لو قبل ما في غيره حننتخبه
==============
رضخ البطل واستقال وقام مترشح
البلد اجمعت وراه ما صدقت تفرح
بعد م شاف حكم مستشار عادل صح
وابن البلد بعده جاي كما الشعب صرح
===============
نادى البطل بكل ثقة ع الشعب
طالب تفويض ضد جماعة الشغب
لجل م يقضي على اللي لينا رهب
26 يوليو خرجت جموع الشعب
تعلن تفويض كامل لأبن الشعب
أعمل ما بدالك ضد أهل الشغب
بجيش وشرطة علموهم الأدب
==============
بعد انتهاء المعركة مع الأندال
وقف البطل بكل ذوق وأدب وقال:
عايزين نبني البلد ونوسع القنال
قلنا احنا ما نعرف أبدا للأرادة محال
نفدي بلدنا بالدما والروح قبل المال
مليار ورا مليار برضى وبدون جدال
اتدفعوا من العامل والفلاح ورجال أعمال
دفعهم الشعب وهو بيغني لبلده أحلى موال
ثقة من شعب في ابنه من عظام الرجال
================
وبدأ الكفاح والبنا في أنحاء المعمورة
وبهية بتتزين والكل موجود في الصورة
ومصر رايحة لبكرة مزهزة وفخورة
شبابها يبني لبلادة من الدهب مقصورة
وشعب شايل العبئ لجل م تبقى منصورة
حط الأساس وأكتمل ووضحت الصورة
وثق الشعب في ابنه وادا له تاني صوته
================
صاحي يا شعب للحلم وعارف الطريق
عارف أكيد مين العدو ومين الصديق
والبوصلة في ايدك يا شعب يا صديق
ايد واحدة دايما ما تنقسم لفريق وفريق
================
بقيادة واعية بكرة ح تتحقق الأحلام
مع شعب واعي وعمره يوم ما ينام
عارف حقوقه ما يفرط فيها يوم من الأيام
والصبر طبعه ويتحمل من أجلها الآلام
يربط حزامه على بطنه وبدون عشا بينام
بس يعيش عمره حر وما يحكمه يوم اللئام
هو اللي يحكم بلاده ودايما في ايديه اللجام
يشهد تاريخه بحق على كل ثوارته العظام
==================
الشعب شايف الأمل في بكرة ومستنظر
بنا وصحة وتعليم والأرض بساط أخضر
وكل يوم انتاج بيزيد منه بكرة يتصدر
يملى هواها غنا وأناشيد ويكمل المنظر
وما عاد يا مصر عليك غريب يتمنظر
الله عليك يا شعب مصر يا عظيم الله أكبر
صلاح منير
مصر
ليست هناك تعليقات:
إرسال تعليق