#تحيا_مصر
اللي جوة القلب ساكنة
بكل حركة وكل ساكنة
الوطن مش بالمواطنة
الوطن ب الانتماء
اسم يدي لروحي طاقة
شمس طلة بكل طاقة
جوة دمي و البطاقة
فخري هيه والعلاء
لما قالوا مصر تحيا
قلت برضو الكل يحيا
ويبقي سيد زي يحيي
كله اخوة وسواء
ولا تحيا لخمسة ستة
تبقي ميغة وتبقي فتة
مين بهذا الظلم افتي
ولا يعني النصب داء
لما شلة يشدوا خيرها
والهوا من مناخيرها
والبقية تجيب اخرها
م اللوع وم الغلاء
مصر أقدم م الخريطة
اغني دولة ع البسيطة
بس فيها ناس غتيتة
جرحروها للوراء
#الشاعر_ابراهيم_دعبس
ليست هناك تعليقات:
إرسال تعليق