رسالةحب*عامية بقلمى.
مساء النعيم والهنا
والورد للأحباب
وإنت حياتى انا
ونشوتى وترحاب
أعشق ليالى القمر
لما يكون ع الباب
وأسمع كلام النوى
واحجبه ليك بحجاب
واخده فى حضنى هنا
وارقيه من اللى عاب
وبين ليالى القمر
دنيا بكأس شراب
واشرب معاك المنى
والخمر كاس برضاب
وأتمنى يوم المنى
يقفل علينا الباب
ونعيش المحبة سوا
ونشرب من العناب
ونزيده كاس الهوا
والشرب ماله صحاب
نشرب بكاس الرضا
ونتوه عن اللى غاب
ونقول غرام فى الهوا
ونحير عقول والباب
ونحكى كلام العشق
ونعيش معاه فى سحاب
ونكلم نجوم السما
عن حب عاش فى سحاب
أصل إنتى حبى أنا
والعشق كان فى سحاب
عاشق ليالى القمر
معشوقى عمره ماغاب
فى قلبى ساكن هنا
عمره ما خرج من باب
العشق مهرى انا
وقلبى فى حبيبى داب
والروح تزور حيينا
ساكنه معاه فى سحاب
قمر الزمان طلع
يللا افرحوا ياحباب
دقوا طبول الفرح
والزينه على الأبواب
زيدوا حبيبى سنا
وعطروا الأحباب
واوعوا يروح منكم
أحسن أعيش فى عذاب
وتكون نهايتى هنا
ميت حياتى سراب
وأكون مع دمعته
والدمع كله عذاب
أمانه ياللى عرفت الحب
تنصفنى مع البواب
أنا أصلى عاشق هنا
والعشق ماله حساب
مكتوب عليك عشقنا
أوعى تعيب فى جواب
اكتب لى يللا كمان
واوعى ترد الباب.
رسالة حب * عامية نثر بقلمى/إسماعيل مصطفى موسى.المحامى والشاعر.بلبيس.شرقية.مصر
ليست هناك تعليقات:
إرسال تعليق